عطشان( وفين المية )

العطشان

عطش الحبيب فوق الصليب

مستني يا مين يرويه!

خلق للكون مَيَّه، شكِّلها فوق

الجَلَد ومن تحتيه!

مروي العطاشى طلب مَيَّه

قطرات، يا مين يدِّيه!

وعِطش المسيح!!
-----------------------------------------

على بير يعقوب جلس الحبيب

والشمس ضهرية!

مستني تيجي البِنيَّة، يرويها،

من مَيَّه إلهية!

وداست رجله الكريمة على

أرض مدهونة بخطية!

وعطش المسيح!!
-----------------------------------------

سامرية جاية عشان تملا

جرتها بالـمَيَّه!

عطشانة عطشانة عطشانة

طالبة غفران وحِنيَّة!

مرة ورا مرة تدوَّر تنادي:

ألقى فين أنا المَيَّه؟!

وجاها المسيح!!
-----------------------------------------

جاها يقول: لو كنتي عارفة إنتي

مع مين بتتكلمي؟

لو كنتي مشتاقة من جديد

تتولدي وتتعلمي؟

أرويكي من مَيَّه عندي،

لا تقاسي، لا تتألمي!

وظهر المسيح!!
-----------------------------------------

ورواها من مَيِّته الحلوة

من أطهر الينابيع!

راحت تقول للكل، الجار

والصاحبة، والمجاميع!

تعالوا اشربوا مجاناً،

دا يسوع ما بيبيع!

ومَلَك المسيح!!
-----------------------------------------

ودلوقتي واقف ينادي عليك

وانت هناك عطشان!

تعالَ واشرب مَيّتي ترتوي،

دايما في كل أوان!

ينبوع محبة يفيض جواك،

تمتلي بيه الأجران!

م الجنب الجريح!!
-----------------------------------------

اسمع صوته بينادي

وطاوعني ياللا وقوم!

اسرع واطلب مَيّته،

وبسرعة وبلاش نوم!

يزول كل عطشك، وتفرح،

وتنسى كل هموم!

ويَّا المسيح!!
-----------------------------------------
منقول من خادم الرب ابونا مبروك

____التوقيع منتديات يســـــــــــ قــــــــلــــــــب ـــــــــــــــوع المسيحية ____
القى عليك اتكالى واعلم ان اتكالى
لا يخيب
لانك انت يارب عالى لكن قريب من طالبيك
فأنا القى باتكالى عليك
واضعا ذاتى بين يديك فافعل بى كما تشاء